1Ch 7 | NdeIBE | STEP | Amadodana ka-Isakhari yila: nguThola, loPhuwa, loJashubi loShimroni

1 Chronicles 7

U-Isakhari

1 Amadodana ka-Isakhari yila: nguThola, loPhuwa, loJashubi loShimroni – ngobune babo.

2 Amadodana kaThola yila: ngu-Uzi, loRefaya, loJeriyeli, loJahamali, lo-Ibhisamu loSamuyeli – bonke beyizinhloko zezindlu zabo. Ngezinsuku uDavida esabusa, abosendo lukaThola abangamadoda aselindele impi ngoluhlu lokuzalana kwabo, babengamadoda ayezinkulungwane ezingamatshumi amabili lambili lamakhulu ayisithupha.

3 Indodana ka-Uzi kungu: Izrahiya. Amadodana ka-Izrahiya yila: nguMikhayeli, lo-Obhadiya, loJoweli lo-Ishiya. Ngobuhlanu babo babeyizinduna.

4 Ngoluhlu lokuzalana kwabo, babelamadoda ayizinkulungwane ezingamatshumi amathathu lesithupha ayeselungele ukuthi angaphuma ayekulwa impi, ngoba babelabafazi labantwana abanengi.

5 Abayizihlobo abesilisa abasebefanele ukuthi bangaya empini bengabosendo luka-Isakhari, ngoluhlu lokuzalana kwabo, sebendawonye babeyizinkulungwane ezingamatshumi aficamibili lesikhombisa.

UBhenjamini

6 Amadodana kaBhenjamini amathathu yila: nguBhela, loBhekheri loJediyeli.

7 Amadodana kaBhela yila: ngu-Eziboni, lo-Uzi, lo-Uziyeli, loJerimothi lo-Iri – bebahlanu ndawonye, beyizinhloko zezindlu zabo. Bona-ke ngoluhlu losendo lwabo babelamadoda ayelungele ukulwa empini ayizinkulungwane ezingamatshumi amabili lambili lamatshumi amathathu alabantu abane.

8 Amadodana kaBhekheri yila: nguZemira, loJowashi, lo-Eliyezeri, lo-Eliyonayi, lo-Omiri, loJeremothi, lo-Abhija, lo-Anathothi kanye lo-Alemethi. Wonke la kwakungamadodana kaBhekheri. 9 Imbali yoluhlu lwezimuli zababeyizinhloko zemindeni ibalisa ukuthi babengabantu abayizinkulungwane ezingamatshumi amabili lamakhulu amabili amadoda empi.

10 Indodana kaJediyeli kwakungu: Bhilihani. Amadodana kaBhilihani yila: nguJewushi, loBhenjamini, lo-Ehudi, loKhenana, loZethani, loThashishi kanye lo-Ahishahari. 11 Wonke lamadodana kaJediyeli ayeyizinhloko zezindlu zawo. Kwakulamadoda ayesefanele ukubuthwa ayekulwa empini ayizinkulungwane ezilitshumi lesikhombisa, lamakhulu amabili.

12 AmaShuphi lamaHuphi ayengawosendo luka-Iri, lamaHushi engawosendo luka-Aheri.

UNafthali

13 Amadodana kaNafthali yila: nguJaziyeli, loGuni, loJezereli kanye loShaluma, abosendo lukaBhiliha.

UManase

14 Abosendo lukaManase yilaba: ngu-Asiriyeli amzala lomfazi weceleni ongum-Arama. Wazala uMakhiri uyise kaGileyadi. 15 UMakhiri wathatha umfazi ozalwa ngamaHuphi lamaShuphi. Udadewabo kwakunguMahakha. Omunye owosendo kwakunguZelofehadi owazala amankazana kuphela.

16 UmkaMakhiri uMahakha wazala indodana yathiwa nguPhereshi. Umfowabo yena wethiwa ibizo elithi Shereshi, njalo amadodana akhe kwakungu-Ulamu loRakhemu.

17 Indodana ka-Ulamu kungu: Bhedani. La ngamadodana kaGileyadi, indodana kaMakhiri, indodana kaManase.

18 Udadewabo uHamolekhethi wazala u-Ishodi, lo-Abhiyezeri loMahla.

19 Amadodana kaShemida yila: ngu-Ahiyani, loShekemi, loLikhi kanye lo-Aniyami.

U-Efrayimi

20 Abosendo luka-Efrayimi yilaba: nguShuthela, loBheredi indodana yakhe, loThahathi indodana yakhe, lo-Eleyada indodana yakhe, loThahathi indodana yakhe, 21 loZabhadi indodana yakhe kanye loShuthela indodana yakhe. U-Ezeri lo-Eliyadi babulawa ngababezalwa eGathi, baze bayethumba izifuyo zabo. 22 Uyise u-Efrayimi wabalilela okwezinsuku ezinengi, izihlobo zakhe zeza zizomduduza.

23 Walala njalo lomkakhe wakhulelwa, wazala indodana ayitha ibizo elithi Bheriya, kuyikutshengisa ukuthi kwakonakele phakathi kwemuli.

24 Indodakazi yakhe kwakunguShera owakha iBhethi Horoni yaPhansi leyaPhezulu kanye le-Uzeni Shera.

25 URefa wayeyindodana yakhe, loReshefi indodana yakhe, loThela indodana yakhe, loThahani indodana yakhe, 26 loLadani indodana yakhe, lo-Amihudi indodana yakhe, lo-Elishama indodana yakhe,

27 loNuni indodana yakhe kanye loJoshuwa indodana yakhe.

28 Amazwe lemizi yabo yayihlanganisa iBhetheli lemizana eseduzane, iNaharani empumalanga, iGezeri lemizana yayo kusiya entshonalanga, iShekemu lemizana yayo kusiyafika e-Aya lemizana yayo. 29 Emingceleni yakwelakoManase kuleBethi Shani, leThahanakhi, leMegido, kanye leDori lemizana yakhona. Ababehlala kulimizi ngabosendo lukaJosefa indodana ka-Israyeli.

U-Asheri

30 Amadodana ka-Asheri yila: ngu-Imina, lo-Ishiva, lo-Ishivi kanye loBheriya. Udadewabo kunguSera.

31 Amadodana kaBheriya yila: nguHebheri loMalikhiyeli uyise kaBhirizayithi.

32 UHebheri wayenguyise kaJafilethi, loShomeri loHothamu kanye lodadewabo uShuwa.

33 Amadodana kaJafilethi yila: nguPasaki, loBhimihali kanye lo-Ashivathi. Laba kwakungamadodana kaJafilethi.

34 Amadodana kaShomeri yila: ngu-Ahi, loRohiga, loHubha kanye lo-Arama.

35 Amadodana omfowabo uHelemu yila: nguZofa, lo-Imina, loSheleshi kanye lo-Amali.

36 Amadodana kaZofa yila: nguSuwa, loHarineferi, loShuwali, loBheri, lo-Imra,

37 loBhezeri, loHodi, loShama, loShalisha, lo-Ithirani kanye loBhera.

38 Amadodana kaJetheri yila: nguJefune, loPhisipha kanye lo-Ara.

39 Amadodana ka-Ula yila: ngu-Ava, loHaniyeli kanye loRiziya.

40 Bonke laba babe ngabosendo luka-Asheri beyizinhloko zendlu ngendlu, amadoda akhethiweyo, amabutho alesibindi njalo bengabakhokheli abalokuhlakanipha. Inani lamadoda ayesefanele ukubuthwa aye empini, kusiya ngoluhlu losendo lwakwabo, kwakuyizinkulungwane ezingamatshumi amabili lesithupha.